ಗಮ್ಯ

ಹಿಂದೆ ಅದಾರೋ ಊರಿಹೋದ
ಹೆಜ್ಜೆ ಗುರುತುಗಳು ದಾರಿಯಲಿ ಮಾಸಿಲ್ಲ...
ಈ ಮರುಭೂಮಿಯಲೂ ಚಿಗಿಯುವ ಗಿಡ...
ಇದಾರ ಹಪಾಪಿತನ...
ಬಿಚ್ಚಿ ಬತ್ತಲಾಗಬೇಕು ಓಡಬೇಕು ಈ
ಧಾವಂತ ನಿರಂತರ..

ಗಮ್ಯ ಎಲ್ಲಿ ನೆಲೆ ಯಾವುದು ಗೊತ್ತಿಲ್ಲ
ವಾಸ್ತವಕೆ ಬೆನ್ನು ತೋರಿಸಿ ಓಡುವ
ಹವ್ಯಾಸ ನನಗೆ ಹೊಸದೇನಲ್ಲ....!

ಎಲ್ಲಿ ಹೋದರೇನು ಏನು ಕಳೆದರೇನು
ಬೆನ್ನಿಗಂಟಿದ ಬೇತಾಳ ಈ ದೇಹ...
ಇದು ವಾಸ್ತವವಾದರೆ ಈ ಓಟ ಯಾಕೆ
ದಿನ ಕಳೆದಂತೆ ರಾತ್ರಿಯ ಹಂಬಲವೇಕೆ..
ಒಂಟಿ ಹಾಸಿಗೆಯಲಿ ನಾಳಿನ ಕನಸೇಕೆ....?